నా మనసు చెబుతోంది ఓ మనోగతం - 20

----------------------------------------------------------
ప్రపంచంతో చెప్పాలని ప్రయాణం మొదలు పెడుతున్నా
ఈ సమయాన సాగనీ సాగినంత సమరం నా మదిలోన
-----------------------------------------------------------





చెంతనున్న గమ్యం తరగని దూరమిది
పక్కనే నిలుచున్న పలకరించలేని మనసే నాది
సమాంతరపు రేఖల ఉత్తర దక్షిన ద్రువాల పయనమిది
ఎవ్వరికి అర్దమే కాని వైనం మనది

ఒక క్షణం నవ్వుకుంటాను
మరు క్షణం ఎడ్వలేక నవ్వుతుంటాను
కనిపించే నవ్వు చాటున
నగుబాటు మిగిలినదని ఎన్నటికి తెలుపగలేను

తెలుపే చూశాను నీ మనసే అనుకున్నా
తీరం నాదే అనుకొని పరుగే నే తీసాను
చెంత చేరగానే ఏడు రంగుల కలయిక నే చూసి
చూస్తూ నే నిలుచున్నా
కదలని నను చూసి
నే దరిచేరలేని తీరాలు నివు చేరుకున్నవు
నీ ఞ్నపకాల నీడలో దారి కానరాక నే మిగిలిపోయాను

--మేఘ