నా మనసు చెబుతోంది ఓ మనోగతం - 17

----------------------------------------------------------
ప్రపంచంతో చెప్పాలని ప్రయాణం మొదలు పెడుతున్నా
ఈ సమయాన సాగనీ సాగినంత సమరం నా మదిలోన
-----------------------------------------------------------

ఆ రోజులు నాకు ఇంకా గుర్తు ఉన్నాయి
నీవు నా నుంచి దూరమవుతున్న క్షణాలు
ఇకపై నేననుభవించే
విరహ వేదనల ఎడబాటు రోదనలు..
రోజులు గడుస్తున్నా నను వీడని
గతకాలపు హ్రుదయ ఆక్రందనలు
ఆ రోజులు నాకు ఇంకా గుర్తు ఉన్నాయి !

కాలం మారింది రోజులు భారమయ్యాయి
నా హ్రుదయ వేదన చూసి పరితపన చెందిన
పువ్వులు వాడిపొయాయి
నా గుండె బాధలు తీరలేదు
ఆ రోజు ఏర్పదిన గుండె గాయం
నేటికీ మానలేదు

విహంగాలు దాటాను
సముద్రాలు దాటాను
కానీ నా మనసు నుండి నే దూరమవలేకపోయాను
నా మనసులో నిలిచిపోయిన
నిన్ను నీ జ్ఞాపకాలను
నే దూరం చెయలేక పోయాను

కాలం గడిస్తే బాధలు తీరిపోవునంటారు
వేదనలు తొలిగి పోవునంటారు
అన్నవాళ్ళెవ్వరూ ప్రేమించిన ఉండరేమో
ప్రేమించి ప్రేమలో రోదించిన వారెవ్వరు
మౌనంలో మూగబోక మానరు

--మేఘ